Nënkryetarja e Partisë Demokratike të Kosovës (PDK), Vlora Çitaku, ka thënë se kryeministri i vendit, Albin Kurti, “po e vazhdon vallen e përjçarjes së shqiptarëve në Ballkan”.
“Pas ndërhyrjes në zgjedhjet e Shqipërisë e Maqedonisë së Veriut, sot paska takim elektoral me vetëm një parti politike të Luginës”, ka thënë Çitaku.
Ajo ka thënë se Kurti është “duke i fryer zjarrit” të ndasive mes popullit në Luginë.
“Nuk kam arritur ende ta kuptoj entuziazmin e Kurtit për përçarje e ndasi – por kjo gjë nuk ka sjellë asnjëherë diçka në dobi të shqiptarëve. I papërgjegjshëm deri në ekstrem”, ka thënë nënkryetarja e PDK-së.
Sot, në Prishtinë do të mbahet një tubim mbështetës për zgjedhjet në Luginën e Preshevës.
Lexo më shumë: Zgjedhjet në Luginë të Preshevës, sot Kurti merr pjesë në tubimin mbështetës
Siç raporton EO, aty do të marrë pjesë edhe kryeministri i Kosovës, Albin Kurti, i cili shkon aty për të përkrahur kandidatët për kryetar të Preshevës dhe Bujanocit, Ardita Sinani dhe Ragmi Mustafi.