Prokuroria Speciale ka refuzuar të deklarohet lidhur me të dyshuarin për spiunazh me BIA-n serbe, Bedri Shabanin, nëse ai ka qenë apo pritej të ishte dëshmitar në Gjykatën Speciale në Hagë.
Në një përgjigje zyrtare për Dukagjinin, zëdhënësi i Prokurorisë së Specializuar, Christopher Bennett, ka refuzuar të japë një përgjigje lidhur me Bedri Shabanin.
Bennett ka bërë të qartë se Zyra e Prokurorit të Specializuar nuk komenton çështjet e hetimit të saj.
“Zyra e Prokurorit të Specializuar nuk komenton hetimet e saj”, ka thënë ai për Dukagjinin.
Lexo edhe: EKSKLUZIVE / Spiunët e arrestuar dhe BIA serbe patën bisedime një ditë pas sulmit në Banjskë
Bedri Shabani, i cili raportohet se është dëshmitar i Speciales, u arrestua nga Policia e Kosovës në ditët e fundit, duke u përballur me akuzat për shpërndarjen e informacioneve konfidenciale dhe lidhjet e tij me agjenicinë serbe, BIA-n.
Avokati i Bedri Shabanit, Besnik Berisha, ka pohuar se klienti i tij, njëri nga të dyshuarit për vepra të dyshimta të spiunazhit, është dëshmitar në Gjykatën Speciale në Hagë dhe nuk ka prova të ndonjë veprimi të paligjshëm nga ana e tij.
Megjithëse avokati nuk ka dhënë detaje të hollësishme rreth rastit në të cilin Shabani ka dhënë dëshmi në Hagë ose pritej të jepte dëshmi, kundër ish-drejtuesve të Ushtrisë Çlirimtare të Kosovës (UÇK).
Arrestohen dy shqiptarë në Ferizaj, dyshohet se ishin spiunë të BIA-s serbe