Kryeministri i Shqipërisë, Edi Rama, ka thënë sot se rroga mesatare e mësuesve nga 1 korriku do të jetë 950 euro.
Rama, në një postim në rrjetin social Facebook, ka shkruar se ishte një rrugë e mundimshme reformash e rimëkëmbjeje tërësore të vendit e që siç thotë ai “e morëm në dorë copë e çikë”, por që thekson se e ngritën pagën mesatare të mësuesve në 950 euro në muaj.
Kryeministri i Shqipërisë postimit të tij në Facebook ia ka bashkëngjitur edhe një video.
“Mirëmëngjesi dhe me kënaqësinë që falë një rruge të mundimshme reformash e rimëkëmbjeje tërësore të këtij vendi që e morëm në dorë copë e çikë, e çuam pagën mesatare të mësuesve në 950 EURO në muaj, si edhe me bindjen se më e mira është ende përpara, ju uroj një ditë të mbarë”, shkruan Rama.
Paga mesatare e mësuesve është rritur 950 euro në muaj. Pagat e mësuesve të arsimit të mesëm të lartë me 15 vite eksperiencë shkon 980 euro. Pagat e mësuesve të arsimit të mesëm të ulët me 15 vite eksperiencë shkon 961 euro. Pagat e mësuesve të arsimit të ulët 9-vjeçar me 15 vite eksperiencë shkon 945 euro.
Nga ky ndryshim pagash përfitojnë gjithashtu edhe punonjësit e shërbimit psiko-social (psikologët dhe punonjësit socialë), oficerët e sigurisë në këto institucione, të cilët luajnë rol tepër të rëndësishëm në mirëqenien e dhe sigurinë e fëmijëve.