Kryetari i Kuvendit të Kosovës, Glauk Konjufca ka dënuar atentatin ndaj ish-presidentit amerikan, Donald Trump duke thënë se ky është sulm ndaj demokracisë dhe pluralizmit politik.
Konjufca është shprehur i lumtur që Trump i ka shpëtuar këtij sulmi teksa ka theksuar se Amerika në këto momente ka nevojë për bashkim rreth vlerave të saj fundamentale të lirive qytetare dhe politike.
“Sot në mëngjes u shokuam me pamjet e atentatit ndaj Presidentit Trump.
“Ky atentat është një sulm ndaj demokracisë dhe pluralizmit politik. Falë Zotit, Presidenti Trump i shpëtoi këtij sulmi, ndërsa Amerika sot ka nevojë për bashkim rreth vlerave të saj fundamentale të lirive qytetare dhe politike”, ka shkruar Konjufca në Facebook.
Tutje ai ka thënë se populli i Kosovës qëndron pranë popullit amerikan “në çdo rrethanë e përballë çdo sfide që synon ta cenojë”.