Ministri i Brendshëm, Xhelal Sveçla dhe ai i pushtetit lokal, Elbert Krasniqi, janë parë këtë të martë në një vizitë tek Ura e Ibrit në Mitrovicë.
Ata kanë qenë të shoqëruar edhe nga zëvendësministri Hysen Durmishi.
Siç shihet në pamjet e publikuara në rrjete sociale ata inspektuan zonën, ku ndodhet Ura e Ibrit, të cilën Qeveria e Kosovës ka paraparë ta hapë së shpejti për qarkullim.
Deputetja e Listës Guxo, Jeta Statovci, ka publikuar edhe një video në rrjetin social Facebook, ku shihen duke u bërë matjet e stabilitetit të Urës së Ibrit.
Qeveria e Kosovës ka nisur konsultimet me partnerët e saj ndërkombëtarë për rivitalizimin e urës dhe ua ka prezantuar atyre një plan për këtë.
Megjithatë, shtetet e QUINT-it e kanë kundërshtuar planin e qeverisë.
Ambasadori i Shteteve të Bashkuara në Prishtinë, Jeffrey Hovenier, ka thënë të premten se vendet e QUINT-it dhe NATO-ja nuk e mbështesin vendimin për hapjen e urës.
Halimi: Nuk është momenti adekuat për ta hapur Urën e Ibrit, është një situatë stabile