Isa Sejdiu, menaxheri i kuzhinës në Agjencinë e Kosovës për Inteligjencë (AKI), u vra më 4 shtator 2018 në zyrat e AKI-së.
Vrasësi, Valon Ibërdemaj, ishte gjithashtu punonjës i AKI-së dhe e ka kryer aktin me armën e tij të paautorizuar.
Ngjarja ndodhi rreth orës 09:31, kur Ibërdemaj e qëlloi Sejdiun, pas një shakaje që Sejdiu kishte bërë një ditë më parë se do të emërohej zëvendësdrejtor.
Sipas aktakuzës, kjo ngjarje ishte rezultat i xhelozisë nga ana e Ibërdemajt.
Pas vrasjes, Ibërdemaj është kapur duke përpjekur të ikë nga vendi i krimit, duke e përdorur një punonjëse tjetër si peng.
Ai është arrestuar dhe më vonë është dënuar me 25 vjet burgim nga Gjykata Themelore për vrasje, rrëmbim dhe armëmbajtje pa leje.
Gjykata e Apelit e ka konfirmuar dënimin, ndërsa Gjykata Supreme e ka ulur në 22 vjet.
Ky rast është një ndër më të rëndat në Kosovë dhe ka tronditur opinionin për shkak të ngjarjes brenda një institucioni të sigurisë.
Familja e Sejdiut ka kërkuar 1 milion euro dëmshpërblim për pasojat e këtij krimi.
Në mënyrë që ky dokumentar të mos tingëllojë i njëanshëm që në fillim po ju njoftojmë se e kemi kontaktuar avokatin e Valon Ibërdemajt , Besnik Berishën, por i njëjti nuk është përgjigjur.
Rrjedhimisht pjesë e dokumentarit është vetëm avokati i familjes së dëmtuar, deklaratat e të cilit mund t’i dëgjoni në “Mendje Kriminale”.