I dërguari i Bashkimit Evropian për dialogun Kosovë-Serbi, Miroslav Lajçak, po qëndron këtë të premte për vizitë në Kosovë, ku ka takuar zëvendëskryeministrin Besnik Bislimi.
Lajçak pas takimit me Bislimin në deklaratë për media ka folur edhe për Marrëveshjen e Ohrit, për të cilën ka deklaruar se është ligjërisht obligative në tërësinë e saj dhe janë duke punuar që të zbatohet.
Sipas tij, nga kjo marrëveshja nuk është tërhequr asnjëra palë, as Kosova e as Serbia, gjersa foli edhe për letrën e ish-kryeministres serbe, Ana Brnabiq.
“Letra (e ish-kryeministres Ana Brnabiq) është tërhequr…. marrëveshja si e tillë është e vlefshme në tërësinë e saj dhe është bërë pjesë e rrugës evropiane të Kosovës dhe Serbisë”, ka shtuar ai.
Ndryshe, muaj më parë, ish kryeministrja e Serbisë, Ana Brnabiq, i kishte dërguar një letër, ku Serbia kishte shprehu mëdyshje për Marrëveshjen për normalizimin e raporteve.
Në letrën e Serbisë drejtuar vendeve të BE-së thuhet se marrëveshja është e pranueshme vetëm nëse nuk i referohet njohjes de facto dhe de jure të Kosovës.
Lajçak s’tregon datën: Me Bislimin u pajtuam për takimin e radhës