Në botën e tyre të dramacitetit dhe shovnimzit dy Aleksandrët e Serbisë, Vuçiq dhe Vulin, kanë dhënë deklarata kërcënuese ndaj Kosovës. Në një situatë që ngjan më shumë me një skenar filmi, dy figurat e larta të shtetit serb vazhdojnë të shfaqin spektakël mediatik.
Vuçiq, në një deklaratë të dhënë pak ditë më parë, paralajmëroi se Serbia do të “përgjigjet” brenda 72 orëve ndaj veprimeve të institucioneve kosovare në veri.
Teksa gjatë ditës mediat e kontrolluara nga regjimi i tij kanë paralajmëruar një fjalim dramatik nga Vuçiq, që pritet të mbahet gjatë së premtes, ku ai do të shpallë disa vendime të rëndësishme për Serbinë.
Nga ana tjetër, Aleksandër Vulin, i njohur për sanksionet që i janë vendosur nga Shtetet e Bashkuara të Amerikës, ka përshkallëzuar retorikën me deklaratën se situata në Kosovë mund të përkeqësohet në çdo moment.
Vulin shtoi se Serbia nuk do të qëndrojë duarkryq.
“Situata (në Kosovë) mund të përshkallëzohet në çdo moment. Kur përdoret dhuna kundër serbëve, është e pamundur të pritet që të gjithë, veçanërisht Serbia, të qëndrojnë pranë dhe të shikojnë. Sigurisht që ne nuk do ta bëjmë”, ka thënë Vuçiq.
“72 orëshi” i Vuçiqit konsiderohet kërcënim koti në Kosovë
Deklaratat e Vuçiqit i ka komentuar edhe ministri i Mbrojtjes, Ejup Maqedonci.
“Kërcënimi i fundit nga presidenti Vuçiq nuk është diçka e re. Serbia në vazhdimësi ka kërcënuar sigurinë e vendit tonë dhe ne nuk frikësohemi nga këto kërcënime. Normalisht këto na bëjnë që të rrisim vigjilencën të jemi më të përgatitur por asnjëherë që të jemi të frikësuar”, ka deklaruar Maqedonci.