Arrestohen dy të dyshuar, sekuestrohen rreth 100 kilogramë marihuanë në Pejë

Policia e Kosovës ka arrestuar dy të dyshuar dhe ka sekuestruar rreth 100 kilogram marihuanë në kuadër të operacionit "Kalaja", i zhvilluar në Pejë dhe fshatra përreth

Policia e Kosovës, në bashkëpunim me Prokurorinë Themelore në Pejë, ka realizuar këtë të diel operacionin e koduar “Kalaja”, gjatë të cilit janë arrestuar dy persona të dyshuar, shtetas të Kosovës.

Operacioni, i zhvilluar në një qendër tregtare në rrugën magjistrale Pejë-Deçan, ka zbuluar rreth 100 kilogram substancë të dyshuar narkotike të llojit marihuanë, e cila u gjet në fshatin Raushiq.

Sasia përfshin bimë të kultivuara në oborrin e një ferme, me gjithsej 213 bimë.

“Pas kryerjes së arrestimeve është vazhduar me bastisje dhe deri në këtë fazë në fshatin Raushiq të Pejës janë gjetur rreth 100 kilogram substancë e dyshuar narkotike e llojit Marihuanë, sasi kjo në gjendje të ndryshme, disa prej tyre e gatshme dhe tjerat në formë të bimëve duke u terur e cila është sekuestruar. Bimët kanë qenë të kultivuara në oborrin e një fermë në afërsi të një shtëpie në fshatin Raushiq dhe sasia e tyre është 213 bimë”, thuhet në njoftimin e PK-së.

Policia vazhdoi me kontroll dhe bastisje edhe në fshatin Barilevë të Prishtinës, ku u gjet një sasi e vogël tjetër e substancës narkotike.

Po ashtu, janë sekuestruar katër vetura të dyshuara si mjete të veprës penale.

Prokurori kompetent dhe forenzika e PK-së janë në vendin e ngjarjes për procedura të mëtejshme, ndërsa rasti vazhdon të hetohet nga njësitet e antidrogës dhe Prokuroria Themelore në Pejë.

Shija e redaktorit

Presidentja Osmani dekreton harmonizimin e listës së organizatave terroriste me...

Presidentja e Republikës së Kosovës, Vjosa Osmani, ka dekretuar sot harmonizimin e listës së organizatave të huaja terroriste me urdhrat ekzekutivë të presidentit amerikan,...

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

Të fundit nga rubrika