Një aksident trafiku me pasoja fatale ka ndodhur mbrëmjen e së mërkurës në rrugën nacionale Prishtinë-Mitrovicë, afër fshatit Pestovë të Vushtrrisë.
Policia e Mitrovicës ka pranuar informacionin për aksidentin rreth orës 22:00, ku një automjet me targa vendore ishte e përfshirë.
I riu 21-vjeçar, i cili pësoi lëndime të rënda në aksident, u transportua menjëherë për trajtim mjekësor.
Ndërsa, rreth orës 00:40 të datës 7 nëntor, emergjenca e Qendrës Klinike Universitare të Kosovës (QKUK) ka konfirmuar se i riu nuk i mbijetoi plagëve të pësuara dhe ndërroi jetë.
“Personi i lënduar është dërguar për trajtim mjekësor, mirëpo rreth orës 00:40 të datës 07.11.2024 policia është njoftuar nga emergjenca e QKUK-së, se si pasojë e lëndimeve të pësuara në aksident, personi i lënduar i moshës 21 vjeçare ka humbur jetën”, thuhet në njoftimin e Policisë.
Prokurori kujdestar është informuar menjëherë për rastin dhe, me urdhër të tij, trupi i pajetë është dërguar në Institutin e Mjekësisë Ligjore për obduksion.