Drejtori i Drejtorisë së Planifikimit Urban, Pronë dhe Kadastër në komunën e Obiliqit, Arben Berisha ka njoftuar se nga sot kjo komunë është e pajisur me Hartën Zonale, e cila rrjedhimisht është për herë të parë dhe do të ketë vlefshmëri për tetë vitet e ardhshme.
Berisha përmes një postimi në “Facebook” ka thënë sot është arritur edhe konfirmimi i ligjshmërisë së vendimit të Kuvendit Komunal nga Ministria e Administrimit të Pushtetit Lokal.
Berisha shtoi se nga sot i mirëpresin kërkesat nga qytetarët për pajisje me leje ndërtimore në Obiliq.
” Pas një pune të gjatë ekipore si DPUKP arritëm që me sukses t’a përmbyllim procesin e kompletimit të infrastrukturës ligjore duke hartuar kështu përfundimisht për herë të parë Hartën Zonale të Komunës së Obiliqit për tetë ( vitet e ardhshme. Sot përfundimisht, para pak çastesh pranuam nga MAPL edhe konfirmimin e ligjshmërisë së Vendimit të Kuvendit Komunal lidhur me aprovimin e dokumentit të Hartës Zonale të Komunës së Obiliq. Andaj nga ky moment konfirmojmë se mirëpresim kërkesat e qytetarëve të Komunës sonë për pajisje me Leje Ndërtimore”, ka njoftuar Berisha