Prokuroria Themelore në Ferizaj ka paralajmëruar një konferencë për media që do të mbahet sot në orën 11:30, në ambientet e Stacionit Policor në Ferizaj.
Konferenca vjen vetëm disa orë pas një operacioni të gjerë të Policisë së Kosovës në Kaçanik, ku janë arrestuar më shumë se pesë persona të dyshuar për përfshirje në vrasjen e rreshterit Lika.
“Ju njoftojmë se Prokuroria Themelore në Ferizaj, do të mbajë sot konferencë për media për rastin e vrasjen e zyrtarit policor në Kaçanik. Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini dhe Drejtoria Rajonale e Policisë së Kosovës. Konferenca do të mbahet nga ora 11:30, në Stacionin Policor në Ferizaj”, thuhet në njoftim.