Aq fortë u gëzuan sa që edhe në mes të fjalimit ia nisën festës.
Fitorja e Faton Pecit në komunën e Mitrovicës Jugore u prit në këtë formë nga përkrahësit e Vetëvendosjes e Guxo-s.
Me mbi 2 mijë vota më shumë se Arian Tahiri i PDK-së, Peci e Kurti e shpallën fitoren e iu drejtuan mitrovicasëve.
Kryetari i VV-së, Albin Kurti e gëzoi edhe një fakt tjetër, ngritja e VV-së në zgjedhje lokale.
Ndërsa, kundër kandidati i tij, Arian Tahiri e uroi menjëherë Faton Pecin për fitoren.
Gjatë ditës në Mitrovicën e Jugut pati dalje pothuajse njëjtë si në raundin e parë të zgjedhje, gjithsej 33,359 qytetarë.
Parregullsi apo vepra penale gjatë procesit të votimit nuk janë raportuar e nisja e përfundimi i tij kanë qenë në kohë.