Pas vrasjes së ish-kryeministrit të Japonisë, Shinzo Abe, ka reaguar ambasada e këtij vendi në Kosovë, duke falënderuar përfaqësuesit e institucioneve dhe personalitetet e tjera që për mesazhet dhe mbështetjen e treguar me këtë rast.
Ambasada japoneze, përmes një postimi në Facebook, ka thënë se janë të pikëlluar nga vdekja, teksa ka shtuar se Abe nisi Iniciativën e Bashkëpunimit të Ballkanit Perëndimor për të promovuar paqen dhe stabilitetin në rajon.
“Ngushëllimet që kemi marrë sot janë dëshmi e marrëdhënieve tona të forta miqësore ndërmjet Japonisë dhe Kosovës, për të cilat zoti Abe dha një kontribut të madh”, thuhet në reagimin e ambasadës Japoneze.
Policia që po heton vrasjen e ish-kryeministrit japonez Shinzo Abe ka thënë se i dyshuari kishte inat kundër një “organizate specifike”, raporton BBC, transmeton Portali Dukagjini.
Sulmuesi i dyshuar, i quajtur Tetsuya Yamagami, 41 vjeç, besonte se Abe ishte pjesë e grupit dhe e qëlloi atë për këtë arsye, thanë ata, pa përmendur emrin e grupit.
Abe vdiq në spital të premten në mëngjes pasi u qëllua teksa po fliste në një ngjarje të fushatës politike.
Tetsuya Yamagami ka pranuar se e ka qëlluar me një armë të bërë vetë, tha policia.
Abe ishte kryeministri më jetëgjatë i Japonisë dhe vdekja e tij në moshën 67-vjeçare ka tronditur thellësisht një vend ku krimi me armë është shumë i rrallë.
Kryeministri i tanishëm, i Jponisë, Fumio Kishida ka thënë se ai ishte “thjesht pa fjalë” për lajmin e vdekjes së Abe, duke u zotuar se demokracia e Japonisë “nuk do t’i dorëzohej kurrë dhunës”.
Policia është ende duke hetuar nëse vrasësi i tij veproi i vetëm dhe pse Abe ishte në shënjestër të personave të tjerë të lidhur me organizatën e paidentifikuar.
Momenti kur qëllohet për vdekje ish-kryeministri japonez Shinzo Abe (VIDEO)
Ish-kryeministri japonez, Shinzo Abe, qëllohet teksa mban një fjalim elektoral në Japoni