Ministri i Mbrojtjes, Ejup Maqedonci, mori pjesë sot së bashku me Presidenten Vjosa Osmani-Sadriu dhe Kryeministrin Albin Kurti në ceremoninë e ndërrimit të komandës në Grupin Luftarak shumëkombësh Lindje në kampin e forcave amerikane në Bondsteel.
Maqedonci thekson se partneriteti me NATO-n dhe KFOR-in mbetet thelbësor për sigurinë e Republikës së Kosovës dhe për avancimin e saj në rrugën euroatlantike, njofton Dukagjini.
“Në kampin e forcave amerikane në Bondsteel, sot mora pjesë, së bashku me Presidenten Vjosa Osmani-Sadriu, kryeministrin Albin Kurti, në ceremoninë e ndërrimit të komandës në Grupin Luftarak shumëkombësh Lindje. Falënderime për Kolonel Jonathan Lloyd për kontributin dhe përkushtimin gjatë mandatit të tij, si dhe urime për Kolonel Samuel Sargeant në marrjen e detyrës së re. 🇽🇰Partneriteti me NATO-n dhe KFOR-in mbetet thelbësor për sigurinë e Republikës së Kosovës dhe rrugën e saj euroatlantike”, ka shkruar Maqedonci.