Organizata Botërore e Shëndetësisë (OBSH) e Kombeve të Bashkuara do të rimbledhë një takim të komitetit që do të këshillojë për shpalljen e një emergjence shëndetësore globale, pas raportimeve të mbi 6 mijë rasteve të lisë së majmunve në dhjetra shtete.
Sipas Drejtorit të Përgjithshëm të OBSH-së, Tedros Adhanom Ghebreyesus, ky është niveli më i lartë i alarmit të OBSH-së.
“Unë vazhdoj të shqetësohem nga shkalla dhe përhapja e virusit në të gjithë botën, mungesa e testimit nënkuptonte që ka të ngjarë të kishte shumë raste të tjera që nuk raportoheshin”, vijoi ai.
Rreth 80% e rasteve janë në Evropë, tha ai.
Në takimin e tij, komiteti vendosi që shpërthimi, i cili ka parë rritje të rasteve si në vendet afrikane ku zakonisht përhapet, ashtu edhe globalisht, nuk ishte ende një emergjencë shëndetësore.
Lija e majmunëve, një infeksion viral zakonisht i lehtë që shkakton simptoma të ngjashme me gripin dhe lezione të lëkurës, është përhapur në mbarë botën që nga fillimi i majit.
Shkalla e vdekshmërisë në shpërthimet e mëparshme në Afrikë të llojit që po përhapet aktualisht ka qenë rreth 1%, por deri më tani ky shpërthim duket të jetë më pak vdekjeprurës në vendet jo-endemike.