Ukraina, është duke synuar që të përshpejtojë eksportet e grurit përmes kanalit Bystre të lumit Danub, i cili është rihapur së fundmi.
Gjatë katër ditëve të fundit, 16-të anije kanë kaluar përmes kanalit Bystre, e këtë ritëm planifikohet që ta ruajnë, sipas zëvendësministrit të infrastrukturës së Ukrainës, Yurii Vaskov.
Pasi forcat ukrainase rimorën ishullin e gjarpërinjëve nga forcat ruse në qershor, aty erdhi edhe qasja në Danub dhe portet e vogla lumore të këtij lumi.
Pas negociatave të Kievit me Rumaninë dhe Komisionin Evropian, për të rritur numrin e anijeve që kalojnë përmes kanalit, pritet që të bëhet edhe eleminimi i bllokimit në rrugë brenda një jave, kështu duke i hapur rrugën shtetit të Ukrainës që të rrisë eksportet mujore të grurit.
Ministria e Infrastrukturës së Ukrainës ka bërë të ditur se më shumë se 90-të anije presin të hyjnë në portet e Ukrainës përmes kanalit Sulina të Danubit, raporton CNN, përcjell Portali Dukagjini.
Gjatë muajit shkurt, para pushtimit të Rusisë, rreth 80% e grurit të Ukrainës eksportohej nga portet e Detit të Zi, ndërsa tani eksportet largohen nga vendi përmes porteve të Danubit, pikave të kontrollit hekurudhor dhe rrugor.