UEFA e ka shpallur mbrojtësin e Paris Saint-Germain, Willian Pacho, si lojtarin më të mirë të ndeshjes ndaj Bayern Munich.
Në barazimin 1:1 në Mynih, golin për PSG-në e realizoi Ousmane Dembélé, pas asistimit nga Khvicha Kvaratskhelia.
Megjithatë, sipas ekspertëve të UEFA-s, paraqitja më mbresëlënëse në fushë ishte ajo e Pachos në repartin defensiv.
“Paraqitje e jashtëzakonshme mbrojtëse. Ai fitoi të gjitha duelet dhe ishte vendimtar në paraqitjen e shkëlqyer defenzive të Parisit”, ishte vlerësimi i grupit teknik të UEFA-s për mbrojtësin ekuadorian.
Pacho pati rol kyç në sigurimin e finales për PSG-në, që eliminoi Bayernin me rezultat të përgjithshëm 6:5 dhe siguroi përballjen me Arsenal F.C. në finalen e UEFA Champions League.