Kandidati i Partisë Demokratike të Kosovës (PDK) për deputet, Rrahman Rama, ka zhvilluar një takim me veteranë, invalidë të luftës dhe familje që kanë kontribuar për lirinë e Kosovës në fshatin Kuçicë të Skënderajt.
Përmes një postimi në Facebook, Rama ka vlerësuar kontributin e ish-luftëtarëve dhe familjeve të tyre, duke theksuar se institucionet duhet t’i trajtojnë me dinjitet dhe respekt.
“Në Kuçicë të Skënderajt u mblodhëm me shokë të luftës, e familje që kontribuan gjithëherë për Kosovën. Veteranët, invalidët dhe familjet e tyre meritojnë që shteti t’i trajtojë dinjitetshëm”, ka shkruar ai.
Rama ka premtuar gjithashtu se projektligji për mbrojtjen e vlerave të luftës do të miratohet, me qëllim të ruajtjes dhe mbrojtjes së trashëgimisë së luftës çlirimtare.
“Edhe projektligjin për mbrojtjen e vlerave të luftës së shpejti do ta bëjmë ligj, për t’i mbrojtur vlerat më të shenjta tona”, ka deklaruar kandidati i PDK-së.
Në fund të postimit, Rama ka falënderuar pjesëmarrësit për mbështetjen që, sipas tij, po i japin gjatë fushatës zgjedhore.