Ushtruesja e detyrës së Presidentes së Kosovës, Albulena Haxhiu, ka bërë të ditur se, së bashku me kryeministrin në detyrë, Albin Kurti, ka nënshkruar vendimin për vazhdimin e mandatit të Agon Bytyqit si zëvendësdrejtor i Agjencisë së Kosovës për Inteligjencë (AKI).
Haxhiu bëri të ditur se Bytyqi do të vazhdojë ta ushtrojë këtë detyrë edhe për pesë vjet, njofton Dukagjini.
Sipas saj, përvoja, njohja e institucionit dhe përgjegjësia e dëshmuar gjatë mandatit të parë janë elemente të rëndësishme për vazhdimësinë dhe punën profesionale të AKI-së në mbrojtje të sigurisë së vendit.
