Punonjësit e ndërmarrjes publike “Ibër-Lepenci”, me asistimin e Policisë së Kosovës, kanë nisur këtë të enjten në orët e mëngjesit një aksion në zonën e Ujmanit, ku është siguruar dhe rrethuar me shirit sigurie objekti i motel-it “Jezero”.
Zëvendësdrejtori i Policisë së Kosovës për rajonin e veriut, Veton Elshani, për Dukagjinin ka konfirmuar se Policia është duke ofruar mbështetje për realizimin e këtij aksioni në koordinim me institucionet kompetente.
Ky aksioni vjen pasi ka përfunduar afati që “Ibër-Lepenci” u kishte caktuar shfrytëzuesve të objektit për lirimin e pronës, për të cilën ndërmarrja thotë se është shfrytëzuar në mënyrë të paautorizuar.
Po ashtu kujtojmë se më 21 korrik, u rrënuan 11 objekte në zonën e liqenit të Ujmanit teksa ndërmarrja është zotuar për kthimin e kontrollit mbi pronat e saj.