Dy persona kanë pësuar lëndime trupore si pasojë e një përleshjeje fizike mes tre personave në Prishtinë.
Sipas raportit 24-orësh të Policisë së Kosovës, rasti ka ndodhur më 14 gusht, rreth orës 18:50.
Dy nga personat e përfshirë në përleshje kanë pësuar lëndime dhe janë dërguar për trajtim mjekësor.
Policia ka bërë të ditur se njësitë përkatëse kanë arritur ta arrestojnë edhe të dyshuarin e dytë të përfshirë në incident.
Me vendim të prokurorit, i dyshuari është dërguar në mbajtje.
Rasti është iniciuar si “Lëndim i rëndë trupor”, raporton Dukagjini.