Ministrja e Ekonomisë, Artane Rizvanolli, ka njoftuar se dy kompani amerikane kanë dorëzuar ofertat për projektimin dhe ndërtimin e sistemeve të baterive për ruajtjen e energjisë në Kosovë.
Sipas Rizvanollit, tani pritet procesi i vlerësimit të ofertave, ndërsa synohet që ndërtimi i projektit të nisë gjatë vitit të ardhshëm.
Bateritë do të kenë kapacitet të përgjithshëm prej 340 MWh dhe do të ndërtohen në Istog dhe Ferizaj.
Projekti është pjesë e Programit Kompakt, me vlerë 236.7 milionë dollarë, i bashkëfinancuar nga Shtetet e Bashkuara përmes Korporatës së Sfidës së Mijëvjeçarit (MCC) dhe Qeverisë së Kosovës.
Rizvanolli ka falënderuar partnerët amerikanë, MCC-në dhe ekipin e MCA-Kosovës për angazhimin në realizimin e projektit, të cilin e ka lidhur me forcimin e sigurisë energjetike të Kosovës.