Një paralajmërim për qytetarët është bërë lidhur me profile dhe grupe në rrjetet sociale që, sipas pretendimeve të publikuara, po përpiqen të nxisin tensione dhe përshkallëzim të situatës në Kosovë.
Eksperti i sigurisë, Halil Berisha në një reagim në Facebook u ka bërë thirrje qytetarëve të mos bien pre e profileve të dyshimta apo thirrjeve për dhunë.
Sipas tij, bëhet fjalë për grupe që pretendohet se kontrollohen nga Beogradi dhe komunikojnë përmes aplikacioneve të mesazheve.
Berisha ka publikuar disa biseda që pretendohet se janë zhvilluar në këto grupe, ku shfaqen thirrje për përshkallëzim të situatës dhe përdorim të mjeteve të ndryshme kundër protestuesve apo institucioneve.
Eksperti Berisha paralajmëron qytetarët që të tregojnë kujdes ndaj provokimeve, veçanërisht ndaj profileve anonime dhe thirrjeve që synojnë të nxisin trazira.
“Mos bini pre e provokimeve, as të profileve falso e as atyre me fytyrë që po bëjnë thirrje për trazira e dhunë”, thuhet në reagimin e tij.