Presidenti i Shqipërisë, Bajram Begaj, ka uruar Justina Shiroka-Pulën për zgjedhjen në postin e Presidentes së Republikës së Kosovës.
Përmes një mesazhi urimi, Begaj ka theksuar rëndësinë e bashkëpunimit ndërmjet Kosovës dhe Shqipërisë, duke nënvizuar rrugëtimin e përbashkët të dy vendeve drejt integrimit evropian.
“Urime të përzemërta znj. Justina Shiroka-Pula për zgjedhjen Presidente e Republikës së Kosovës! Në çdo sfidë dhe në çdo hap drejt së ardhmes evropiane, Shqipëria dhe Kosova do të jenë bashkë”, ka shkruar Begaj.
Në fund të urimit, presidenti shqiptar i ka dëshiruar suksese presidentes së re të Kosovës.
“Urime Presidente! Zoti e bekoftë Kosovën dhe shqiptarët kudo ku janë!”, ka përfunduar Begaj.