Një person ka rënë nga lartësia e një objekti dhe ka vdekur. Ky rast ka ndodhur sot, në orën 13:00, rrugën “Ukshin Hoti” në Prishtinë.
Rastin e ka konfirmuar zëdhënësi i policisë, Agron Borovci.
Agron Borovci, ka thënë se, “Rasti ka ndodhur sot rreth orës 13:00, në rrugën “Ukshin Hoti” në Prishtinë, kur viktima ka rënë nga lartësia e një objekti. Viktima mashkull, nuk ka arritur të përballojë plagët dhe, i njëjti, ka ndërruar jetë. Vdekjen e viktimës e ka konstatuar ekipi mjekësor në vendngjarje. Aktualisht, ka nisur një hetim i rrethanave të ngjarjes nga njësitet kompetente policore në koordinim me prokurorin e shtetit dhe mekanizmat e tjerë relevant.”
Fenomeni i vetvrasjes është rritur në shoqërinë tonë. Faktorët kryesor që cojnë deri tek vetvrasja janë: faktorët socio-ekonomik, depresioni, ankthi, pasiguria sociale etj. Rastet e vetvrasjes janë rritur edhe më shumë gjatë periudhës së pandemisë me COVID-19.