Të shtunën e 13 gushtit parashikohet të mbajë mot me vranësira të shpeshta dhe intervale me diell ku kohë pas kohe pritet të ketë rrebeshe lokale shiu.
Gjatë orëve të pasditës dhe mbrëmjes pritet të ketë shkarkesa rrufesh. Ka mundësi të ketë edhe breshër në zona të caktuara, njofton Meteo Kosova.
Era pritet të fryjë në drejtime të ndryshme, e cila kohë pas kohe pritet të jetë e fuqishme, me shpejtësi 15-50 km/h.
Ndërsa, temperaturat do të pësojnë ulje të ndjeshme.
Minimalja e ditës do të sillet prej 14 deri në 16 gradë Celsius, ndërsa temperaturat maksimale do të luhaten prej 21 deri në 25 gradë Celsius.