Autori Salman Rushdie është përballur me kërcënime për vdekje për më shumë se 30 vjet që nga botimi i “Vargjeve Satanike”. Rushdie ka thënë se qëllimi kryesor i romanit të tij ishte të shqyrtonte përvojën e emigrantëve, por disa myslimanë u ofenduan nga portretizimi i Profetit Muhamed dhe vënia në pikëpyetje e natyrës së shpalljes së Kuranit si fjalë e Zotit.
Pra, “Vargjet Satanike” të cilat e vunë në qendër të sulmeve të ekstremistëve, një vjet pas botimit, Udhëheqësi Suprem i Iranit, Ayatollah Khomeini ,bëri thirrje për ekzekutimin e Salman Rushdie. Ai ofroi një shpërblim prej 3 milionë dollarësh në një fetva – një dekret ligjor i lëshuar nga një udhëheqës fetar islamik.
Ky shpërblim mbetet aktiv, megjithëse qeveria e Iranit është distancuar nga ky dekret, por në vitin 2012 një fondacion fetar pothuajse zyrtar shtoi edhe 500,000 dollarë shpërblim.
Salman Rushdie ka lindur nga myslimanë jo praktikues dhe vetë është ateist, i cili ka ngritur zërin për lirinë e shprehjes.
Pas këtyre kërcënimeve Rushdie ka arritur që të qëndrojë i sigurt, por i fshehur për shumë vjet në Londër. Ndërsa, ditën e 12 korrikut ai është sulmuar gjatë një fjalimi që po mbante në New York, dhe gjendja e tij është shumë e rënduar.
Sipas Andew Wylie, agjent I autorit, ka thënë se ai mund të humbasë njërin sy dhe nuk është në gjendje të flasë.
Sulmi ndodhi pak para orës 11 të mëngjesit në Institutin Chautauqua pranë Erie në shtetin perëndimor të Nju Jorkut, afër liqenit Erie, rreth 400 milje (644 km) në veri-perëndim të qytetit të Nju Jorkut.
Disa vargje nga ‘Vargjet Satanike’
“Pra, problemi i Indisë rezulton të jetë problemi i botës. Ajo që ndodhi në Indi ka ndodhur në emër të Zotit.”
“Emri i problemit është Zot.”
“Që në fillim njerëzit përdorën Zotin për të justifikuar të pajustifikueshmet.”
“Gjuha është guxim: aftësia për të konceptuar një mendim, për ta folur atë dhe duke e bërë këtë për ta bërë atë të vërtetë.”
Këto janë disa nga vargjet e librit, që i sollën autorit 30 vjet frikë dhe tash edhe një sulm i cili e dërgoi gati drejt vdekjes.
Pas shumë kërcënimeve me vdekje, autori Salman Rushdie theret me thikë