Kryeministri i Shqipërisë, Edi Rama është i “gatshëm” të ndeshet me boksierin e shqiptar Florian Marku, kështu duken ata në një fotografi të publikuar në rrjetin social Facebook nga Rama.
Ai ka thënë se ndjehet i nderuar nga vizita e sportistit shqiptar, që sipas Ramës është yll i ringut.
“Florian Marku, që pasnesër, të enjten 25 gusht, synon në Air Albania Arena gjerdanin e madh të kampionit të kategorisë sipërore WBC”, ka shkruar Rama në Facebook.
Sipas të parit të qeverisë shqiptare, kjo është “një ndeshje për historinë e boksit botëror”.
Florian Marku, është me origjinë nga Lushnja, në karrierën e tij si profesionist, ai numëron 11 fitore, shtatë nga të cilat me KO.