Arrestohen rreth 25 zyrtarë policorë në Vërmicë, dyshohen për marrje ryshfeti

Inspektorati Policor i Kosovës (IPK) në bashkëpunim me Prokurorinë Speciale, gjatë një aksioni të koduar si “Pika2”, kanë arrestuar 25 zyrtarë policorë të dyshuar për marrje ryshfeti dhe keqpërdorim të pozitës zyrtare.

Që në orët e hershme të mëngjesit, IPK ka njoftuar për aksionin ku dyshohet se një numër i zyrtarëve policorë, kanë kryer veprat penale marrje e ryshfetit dhe keqpërdorim i pozitës zyrtare.

“Hetimi përfshin edhe bashkëpunim me prokurorë nga SPAK-u (Struktura e Posaçme kundër korrupsionit dhe krimit të organizuar e Republikës së Shqipërisë) dhe zyrtarët e AMP-së Agjencisë për Mbikëqyrje Policore (agjencia homologe e IPK-së në Shqipëri)”, thuhet në njoftimin e IPK-së.

Aksioni i IPK-së është duke vazhduar ende.