Shefi i Agjencisë Ndërkombëtare të Energjisë Atomike (IAEA), Rafael Grossi ka thënë se një ekip ekspertësh ndërkombëtarë kanë udhëtuar për në centralin bërthamor të Zaporizhzhia-s të Ukrainës për një inspektim të planifikuar të objektit të enjten e 1 shtatori, pavarësisht rreziqeve “të rëndësishme” të misionit të tyre.
Ekipi i ekspertëve do të fillojë një “vlerësim të menjëhershëm të situatës së sigurisë”, ka thënë Grossi për gazetarët.
Fabrika është afër vijës së parë të luftës në Ukrainën juglindore dhe është pushtuar nga trupat ruse në mars të këtij viti dhe të dyja palët kanë akuzuar njëra-tjetrën për bombardimin e saj.
“Unë jam informuar nga komandanti ushtarak rajonal ukrainas për rreziqet e natyrshme, por duke peshuar të mirat dhe të këqijat dhe pasi kemi arritur deri tani, ne nuk po ndalemi, ne po lëvizim tani,” tha Grossi.
Grossi ka shtuar se e dinë që ekziston një e quajtur ‘zona gri’ ku përfundon linja e fundit e mbrojtjes së Ukrainës dhe fillon linja e parë e forcave pushtuese ruse ku rreziqet janë të konsiderueshme, raporton CNN.
Shefi i Agjencisë Ndërkombëtare të Energjisë Atomike (IAEA) ka treguar se në të njëjtën kohë, konsiderojnë se i kanë kushtet minimale për të lëvizur, duke pranuar që rreziqet janë shumë të larta.
Ai ka përfunduar duke thënë se bashkë me ekipin kanë një mision shumë të rëndësishëm për të përmbushurt dhe se mund të vazhdojnë me këtë.