Të dielën e 11 shtatorit në Kosovë pritet të mbajë mot me vranësira dhe intervale me diell, në pjesë e dytë të ditës pritet të ketë ulje temperaturash dhe reshje shiu.
“Mot me vranësira dhe intervale me diell, ku pritet kryesisht gjatë orëve të pasdites dhe mbrëmjes, të depërtojë një front i ftohtë, duke gjeneruar rrebeshe lokale shiu dhe shkarkesa rrufesh”, njofton Meteo Kosova.
Era do të fryjë nga drejtimi i veriut, e cila kohë pas kohe pritet të jetë mjaft e fuqishme, me shpejtësi prej 15-60 km/h!
Temperaturat do të pësojnë ulje. Temperaturat minimale do të luhaten prej 13 deri në 15 gradë Celsius, ndërsa ato maksimale prej 22 deri në 25 gradë Celsius.
Ndërkaq gjatë depërtimit të frontit të ftohtë, temperaturat maksimale do të ulen rreth vlerës 15 gradë Celsius.