Të hënën mbrëma në ceremoninë e ndarjes së çmimeve Emmy 2022 në Los Angeles, Kaliforni në tapetin e kuq kaluan të famshëm të veshur nga dizajnerët më të mirë si Valentino, Donatella Versace, Giorgio Armani, Roberto Cavalli, Christian Dior, Louis Vuitton.
Këtë vit, edicioni i 74-të i Emmy Awards ndodhi në të njëjtën kohë me Javën e Modës në New York, dhe pamjet në tapetin e kuq sigurisht që janë diçka që redaktorët e modës në rreshtin e parë do ta vlerësonin.
Sigurisht, ekzistonte fustani tipik Armani Privé Couture, i gjatë deri në dysheme, i mbuluar me diamant rozë, por kishte edhe një fustan shumë më të papritur me porosi nga Louis Vuitton me një formë të prerë katrore që nuk e shihni shpesh në tapetin e kuq. Fustanet e Christopher Kane, Jean Paul Gaultier dhe Gucci u shfaqën gjithashtu, me detaje të spikatura si zinxhirë gjarpërinjsh prej ari, shkëlqim dhe prerje të fustanit në pjesën e barkut në formë diamanti.
Lista e veshjeve më të bukura fillon me aktoren Zendaya e cila dukej magjepsëse në një fustan të zi pa rripa nga Valentino dhe stoli të çmuara nga brendi Bulgari. E ndjekur nga Sydney Sweeney e cila kishte të veshur fustanin e punuar ekstra për të nga Oscar de la Renta dhe stoli nga Fred Leighton , gjithashtu edhe Amanda Seyfried shkëlqeu me fustanin e bërë nga Armani.
