Një 34-vjeçar me precedent të mëparshëm penal është arrestuar në Elbasan, pasi tentoi të grabiste një xhami.
Nga të dhënat paraprake bëhet me dije se 34-vjeçari është shkelës i përsëritur, pasi më 3 qershor dyshohet se ka vjedhur një tjetër shumë parash në të njëjtën xhami.
Shërbimet e Komisariatit të Policisë Elbasan, menjëherë pas marrjes se njoftimit, kanë organizuar punën për kapjen dhe vënien e tij përpara përgjegjësisë ligjore.
Si rezultat i veprimeve të shpejta policore u bë kapja dhe arrestimi në flagrancë i shtetasit me inicialet E.Sh., banues në Librazhd. I riu akuzohet për veprën penale “Vjedhja”, mbetur në tentativë dhe “vjedhja” kryer më shumë se një herë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan për veprime të mëtejshme./Top Channel