Policia e Kosovës ka njoftuar se ka arrestuar një person të dyshuar për shitblerjen e substancave narkotike dhe po ashtu të njëjtit i është gjetur një qese me substancë narkotike, të llojit kokainë.
Sipas policisë, arrestimi ka ardhur pasi kanë pranuar informata dhe kanë kryer hetime. Gjatë kontrollit atij i është gjetur dhe sekuestruar një qese me substancë të dyshuar narkotike të llojit kokainë me peshë 5.6 gramë, një telefon dhe 25€ dhe një thikë.
“Pas pranimit të informatave se një i dyshuar mashkull kosovar merret me shitblerjen e substancave narkotike dhe pas një pune hetimore me datë 04.10.2023 është arrestuar i dyshuari pasi që gjatë kontrollit i është gjetur dhe sekuestruar një qese me substancë të dyshuar narkotike të llojit kokainë me peshë 5.6 gram, një telefon dhe 25 € dhe një thikë. I dyshuari ka pohuar se në shtëpinë e tij ka një sasi të narkotikëve dhe gjatë kontrollit të shtëpisë janë gjetur dhe sekuestruar 73 gram substancë e dyshuar narkotike e llojit marihuanë”, thuhet në raportin 24-orësh të Policisë së Kosovës.
Me vendim të prokurorit, i dyshuari është dërguar në mbajtje.