Në pikën kufitare në Morinë është arrestuar 49-vjeçari me shtetësi serbe, Dejan Stanojevic i cili ka qenë në kërkim ndërkombëtar, për veprën penale “Prodhimi dhe shitja e narkotikëve”.
Stanojevic banonte në Ferizaj, për të cilin policia ka njoftuar se pas arrestimit “Interpol Tirana, në bashkëpunim me autoritetet serbe do të vijojë procedurat për ekstradimin e tij”
Sipas njoftimit të Policisë së Shqipërisë, gjatë përpunimit dhe verifikimit të të dhënave në sistem, ky shtetas ka rezultuar i shpallur në kërkim ndërkombëtar nga Interpol Beogradi, Serbi, pasi Gjykata e Lartë e Beogradit, e ka dënuar me 5 vjet e 6 muaj burgim, për veprën penale “Prodhimi dhe shitja e narkotikëve”, parashikuar nga legjislacioni penal i Serbisë.