BE-ja shqyrton mundësinë e përdorimit të aseteve të ngrira ruse për rindërtim të Ukrainës

Për të gjeneruar fitime për rindërtimin e infrastrukturës së shkatërruar të Ukrainës, BE-ja po shqyrton mundësinë e përdorimit të aseteve të ngrira ruse

Charles Michel, president i Këshillit Evropian.

Bashkimi Evropian po shqyrton përdorimin e aseteve të ngrira të Bankës Qendrore të Rusisë, me vlerë prej 300 miliardë dollarësh.

Kjo për të gjeneruar fitime për rindërtimin e infrastrukturës së shkatërruar të Ukrainës.

Presidenti i Këshillit Evropian, Charles Michel, u ka bërë thirrje qeverive të BE-së që të vazhdojnë me konsultime se si mund të përdoren këto asete të ngrira, shkruan Financial Times.

Sipas gazetës britanike, Michel ka thënë se do që të analizohet mundësia për të gjeneruar fitime, të cilat më pas mund të drejtohen drejt përpjekjeve për rindërtim.

Michel ka theksuar se asetet do t’i kthehen shtetit rus nëse nënshkruhet një marrëveshje paqeje.

Unioni evropian, i përbërë prej 27 shteteve anëtare, ngriu fondet ruse në përgjigje të pushtimit të paprovokuar të Ukrainës nga Moska.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika