Emisioni Supr3nd në valët e Radio Dukagjinit, këtë të martë mbrëma filloi me tingujt e këngës “Aromë” të këngëtarës dhe artistes Blerta Zabërgja.
Blerta të cilën me emër artistik të gjithë e njohin si “e Blertë”, është edhe pjesë e grupit Gillespie, të cilët shpesh kemi mundësi t’i dëgjojmë duke përformuar së bashku në kafenetë e kryeqytetit dhe jo vetëm.
Blerta në Super3nd me Drilonën dhe Mirdonin, shpalosi te dëgjuesit edhe planet e saj artistike, e ku kryefjala ishte albumi i ri, për të cilin Blerta tha se do të fillojë shumë shpejtë punën.
Përpos bisedës së këndëshme ne studio, dëgjuesit patën mundësinë që gjatë emisionit të shoqërohen vazhdimisht me zërin e ëmbël të Blertës e cila përformonte këngët e saj autoriale, tekstet e shumë prej të cilave i ka shkruar vetë ajo.
Emisioni i natës, Super3nd me Drilonën dhe Mirdonin transmetohet çdo të martë mbrëma në valët e Radio Dukagjinit, nga ora 22:00 deri në ora 01:00 pas mesnate.