Çfarë është menopauza, cilat janë simptomat dhe si duhet të trajtohet?

Menopauza është një periudhë jo e lehtë e jetës së grave, e që informimi dhe vetëdijësimi për këtë temë në vendin tonë është i pakët

Antigona Qenaj Sejdiu, psikologe dhe gazetarja Xheneta Asllani

Periudha e menopauzës ishte tema që u diskutua mbrëmjen e së mërkurës në emisionin “Jeto” me Xheneta Asllanin në Radio Dukagjini, ku e ftuar ishte psikologia Antigona Qenaj Sejdiu.

Menopauza është një periudhë jetësore e gruas që ndodhë pas ndaljes së ciklit menstrual, rreth moshave 45 deri në 55 vjeç. Diagnostikimi me menopauzë bëhet 12 muaj pas ndaljes së ciklit.

Psikologia e përshkruan këtë periudhë si një fazë ku ndodhin shumë ndryshime, pasi ndalet prodhimi i estrogjenit që është hormoni kryesor femëror. Kjo shkakton edhe mungesë të vitaminës D dhe kalciumit.

Qenaj Sejdiu sqaron se përpos ndryshimeve fizike, menopauza ndikon edhe në disponim. Si pasojë gratë që po kalojnë në këtë periudhë mund të përjetojnë harresa, vështirësi në koncentrim, mungesë përqëndrimi, ndryshime disponimi, nervozë e papërshkrueshme dhe e pashpjegueshme që shkon deri në një nivel shumë të madh, gjendje ankthi, pagjumësi, e nxehtësi që të jep siklet.

Sipas, psikologes, kjo nuk është një periudhë e shkurtër por që zgjat me vite, deri në 10 vjet, e që e bën më të vështirë.

Një fakt që ndikon në përkeqësimin e kësaj peridhe sipas psikologes është edhe mungesa e mbështetjes, që tek ne shpesh herë bëhet pa qëllim, por se mungon informimi për këtë fazë.

Qenaj Sejdiu nënvizon se këto simptoma nuk duhet të neglizhohen, pasi mund të qojnë deri tek sulmet e panikut. Në rast të mostrajtimit sipas saj, gjendja mund të përkeqësohet deri në depresion të thellë.

Sipas, psikologes, gjendja nuk duhet të trajtohet vetëm me medikamente, por edhe me trajtim psikoterapeutik që është shumë i rëndësishëm, pasi kjo gjendje nuk mund të tejkalohet vetëm me ilaqe.

Për fund psikologia shton se aktiviteti fizik e ai shoqëror për gratë në këtë periudhë është shumë i rëndësishëm.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika