Në emisionin “Dueli Botëror”, trajneri i njohur Bylbyl Sokoli ka treguar se cilat janë tre befasitë më të mëdha në këtë botëror për të.
Ai tha fillimisht se “isha i bindur se Danimarka do të ishte më atraktive me Eriksenin. Por, u eliminuan pa bujë të madhe, kurse në evropian ishte në gjysmëfinale”.
Teksa, shtoi “eliminimi i Belgjikës ishte pasqyrë e asaj që kemi pa, me shumë probleme në bankë, ani pse është pritë me kalu tutje sepse kanë shumë yje në skuadër”.
Sokoli po ashtu tha “befasia më e madhe është Gjermania edhe pse e ka pas një trajner me të cilin ka pasur shumë suksese, por nuk po ka rezultate dhe shihet qartë se ka probleme.
Kjo është nata e 13-të e emisionit “Dueli Botëror” i cili do zgjasë deri në në finalen e madhe të Kupës së Botës.
Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror.