“Mercure Hotels Prishtina City” mbështet Sigal Prishtinën në rrugën drejt trofeve

Rrjeti i hoteleve “Mercure Hotels Prishtina City”, nga e premtja e 2 shkurtit, është mbështetës i klubit më të trofeshëm të basketbollit në Kosovë, Sigal Prishtinës.

Në një konferencë për media të mbajtur në ambientet e bukura të “Mercuret”, drejtori gjeneral, Safet Mehmetaj dhe presidenti i Sigal Prishtinës, Blerand Stavileci, nënshkruan marrëveshjen e bashkëpunimit.

Mehmetaj deklaroi se sukseset e mëdha të Prishtinës, kanë ndikuar që të mos e kenë fare vështirë që të vendosin për mbështetjen e klubit kryeqytetas.

Ai theksoi se “Mercure” është mbështetës edhe i shumë sporteve, sidomos në Francë.

Presidenti i Prishtinës, Blerand Stavileci, tha se është shumë i kënaqur që brendit të klubit të trofeshëm kosovar, po i bashkohet edhe një brend evropian.

Stavileci përmendi edhe numrin e madh të sponsorëve, që sipas tij, janë pjesë e Prishtinës për shkak të lavdisë që ka klubi.

Të pranishëm ishin edhe basketbollistët dhe stafi teknik i Sigal Prishtinës, të cilët nënshkruan fanellën e klubit që iu dorëzua drejtorit gjeneral të “Mercuret”, Safet Mehmetaj.

Shija e redaktorit

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Të fundit nga rubrika