Për të zbuluar disa nga ushqimet më të këqija të mëngjesit që bllokojnë arteriet , ka folur dietistja Krutika Nanavati. Ajo ka thënë se drithërat e sheqerosura, mishrat e përpunuar dhe artikujt e ëmbël me brum janë ndër faktorët kryesor që ndikojnë në sëmundjet e zemrës.
Drithërat e sheqerosura
Drithërat e përpunuara me shije të ndryshme mund të jenë një mënyrë e shkëlqyer dhe e shijshme për një mëngjes të shpejtë.
Por ato janë shumë të rrezikshme për shkak se përmbajnë shumë sheqer dhe u shtohen edhe shije artificiale. Kjo mund të ndikojë në edhe në sëmundjet e zemrës.
Mishi i përpunuar
Zemra nuk i do mishrat e përpunuar. Nanavati thotë se mishi i përpunuar është një nga ushqimet më të këqija të mëngjesit për arteriet.
“Mishrat e përpunuar si salçiçet dhe proshutat janë një tjetër bazë e zakonshme e mëngjesit që mund të bllokojë arteriet”, thotë ajo. “Miushi përmban shumë yndyrna të ngopura, të cilat mund të rrisin kolesterolin tuaj të keq, duke rezultuar në një shëndet të dobët të zemrës”.
Brumërat me sheqer apo ëmbëlsirat
Nanavati thotë se brumërat e pjekura me sheqer apo ëmbëlsirat, të cilat janë të mbushura me karbohidrate të dëmshme të rafinuara, duhet të shmangen nëse doni të mbani shëndetin tuaj të zemrës në formë të shkëlqyer.
“Këto substanca mund të shkaktojnë inflamacion dhe një grumbullim të depozitave yndyrore në arteriet tuaja, duke çuar në sëmundje të zemrës. Një alternativë më e shëndetshme do të ishin ‘muffinsat’ e bërë në shtëpi ose buka e bërë nga drithëra të plota, arra dhe fara”.
Gjithashtu ka edhe shumë faktorë që kontribuojnë në shëndetin e përgjithshëm të zemrës. Gjëra të tilla si ushtrimet, niveli i stresit e gjumi luajnë një rol të rëndësishëm.
Megjithatë, dieta juaj është një nga aspektet më vendimtare të shëndetit tuaj, veçanërisht kur bëhet fjalë për zemrën tuaj.