Ish-presidenti i SHBA-së, Bill Clinton, i cili pati rolin kyç në ndërhyrjen e NATO-s për ta ndalur gjenocidin në Kosovë, ka kujtuar 25-vjetorin e çlirimit të vendit tonë.
Në një video të publikuar të martën vonë në Twitter, Clinton ka kujtuar se si SHBA-ja ka udhëhequr bombardimet e NATO-s për të larguar forcat serbe dhe për t’i dhenë fund represionit e spastrimit etnik ndaj shqiptarëve.
“Ndërhyrja ushtarake ndihmoi në rivendosjen e vetëqeverisjes për krahinën dhe çoi në pavarësinë e Kosovës më 2008”, ka shkruar ai, teksa në një postim tjetër ka thënë se shpreh falënderimet për 25 vjet paqe në Kosovë.
Twenty-five years ago, the United States led @NATO Allies in an air campaign that successfully expelled Serbian forces, ending a decade of repression and a brutal campaign of ethnic cleansing, bringing the war in Kosovo to an end. The military action helped restore… pic.twitter.com/3jiEOlvP7s
— Clinton Presidential Center (@ClintonCenter) June 11, 2024
Këtë postim e ka shpërndarë edhe presidentja Vjosa Osmani.
“…dhe Republika e Kosovës ju falënderon, zoti president, që e keni bërë të mundur këtë paqe”, ka shkruar Osmani.
…and the Republic of Kosovo is giving thanks to you, Mr.President, for making that peace possible. 🇽🇰🇺🇸 https://t.co/AkXGGctv7Y
— Vjosa Osmani (@VjosaOsmaniPRKS) June 12, 2024