Departament amerikan i Shtetit ka shpallur non grata kryetarin e Komunës së Strugës në Maqedoninë e Veriut, Ramiz Merkon, të martën.
Siç thuhet në njoftimin e Departamentit të Shtetit, arsyeja e një vendimi të tillë mbetet si shkak i përfshirjes së Merkos në korrupsion.
“Shtetet e Bashkuara po caktojnë kryetarin e komunës së Strugës, Maqedonia e Veriut, Ramiz Merko, si përgjithësisht të papërshtatshëm për hyrje në Shtetet e Bashkuara, për shkak të përfshirjes së tij në korrupsion të konsiderueshëm. Ndërsa shërbente si kryetar i komunës së Strugës, Merko shpërdoroi fondet dhe ndërhyri në procese gjyqësore dhe të tjera publike, duke dëmtuar besimin e publikut në institucionet dhe zyrtarët demokratikë të Maqedonisë së Veriut”, thuhet në njoftim
Bëhet e ditur se një vendim i tillë ripohon angazhimin e Shteteve të Bashkuara për të luftuar korrupsionin.
Njëherit, DASH cakton gjithashtu gruan e Merkos, Shpresa, dhe tre fëmijët e rritur, Genc, Nazmije dhe Drenushe. të papërshtatshëm për hyrje në Shtetet e Bashkuara.