Një delegacion i përbërë nga shtatë anëtarë të Parlamentit Evropian (PE) do të vizitojë Tiranën javën e ardhshme.
Sipas një njoftimi të PE-së, vizita e delegacionit ka për qëllim të shpreh mbështetjen për shtyerjen përpara të procesit të zgjerimit dhe për të vlerësuar reformat në Shqipëri.
Ndërsa, euro-deputetët pritet të rikonfirmojnë gatishmërinë e Shqipërisë për të nisur negociatat e anëtarësimit.
Gjatë vizitës së delagacionit do të trajtohen çështjet e vëna në dijeni në raport me rezolutën mbi Shqipërinë që Parlamenti Evropian ka miratuar në seancën e 19 majit.
Parlamenti Evropian vlerëson se Shqipëria i ka plotësuar kushtet e nevojshme për të nisur zyrtarisht negociatat e anëtarësimit.
Delegacioni i udhëhequr nga David McAllister, do të takojë liderët politikë të vendit, përfaqësues të opozitës dhe të shoqërisë civile.