Delegacioni nga Danimarka e viziton burgun e Gjilanit

Një delegacion nga Danimarka e ka vizituar burgun e Gjilanit, për t’u njoftuar me hapësirat e burgut dhe mënyrat e funksionimit të tij

Nën shoqërimin e zëvendësministrit të Drejtësisë, Blerim Sallahu, një delegacion nga Danimkarka e ka vizituar këtë të mërkurë burgun e Gjilanit.

Sipas MD-së, delegacioni danez i kryesuar nga Anne- Mette Lyhnr Jensen, u njoftua “me hapësirat e burgut në Gjilan dhe me mënyrat e funksionimit të tij”.

“Në fokus të veçantë ishte edhe informini lidhur me trajtimin e të burgosurve pranë këtij burgu, i cili është në përputhje me respektimin e standardeve ndërkombëtare. Gjatë qëndrimit të tyre në këto hapësira u vizituan: dhoma e pranimit, dhoma e vizitave, njësia shëndetësore dhe hapësirat e tjera ku kryhen aktivitete me të burgosurit”, thuhet në njoftimin e MD-së.

May be an image of 5 people, people standing, suit and indoor

Më 27 prill të vitit 2022, Kosova dhe Danimarka u pajtuan që në Kosovë të vijnë 300 të burgosur nga Danimarka, pasi ky shtet po tenton që të reduktojë mbipopullimin e burgjeve.

Fillimisht, në dhjetorin e vitit 2021, dy shtetet u pajtuan që të merren me qira 300 qeli burgu, në këmbim të një tarife vjetore prej 15 milionë eurosh.

Marrëveshja ka një kohëzgjatje prej dhjetë vjetësh dhe Kosova pritet të përfitojë 210 milionë euro.

Sipas marrëveshjes, të burgosurit parashiheshin të vijnë në Kosovë në fillim të vitit 2023, në një burg në qytetin e Gjilanit. Pasi të kenë vuajtur dënimin, ata do të dëbohen nga Kosova.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika