Zëdhënësi i Prokurorisë Themelore në Pejë, Shkodran Nikçi ka thënë se Policia e Kosovës ka ndërmarrur të gjitha masat ndaj rasteve të ngacmimit seksual dhe dhunimit seksual, dy raste të raportuara së fundmi në Pejë.
Nikçi ka thënë kërkesa për masa të paraburgimit ndaj të miturit që dyshohej se ka dhunuar seksualisht një të mitur është aprovuar dhe tashmë, i dyshuari gjendet në paraburgim prej 30 ditësh.
Për rastin e ngacmimit seksual i cili dyshohet të ketë ndodhur nga një mësimdhënës ndaj nxënëses së tij, Zëdhënësi i Prokurorisë Themelore në Pejë ka thënë se i njëjti pas raportimit të rastit me urdhër të Prokurorit të Shtetit është ndaluar fillimisht për 48 orë dhe më pas prokurori ka bërë kërkesë për paraburgim dhe me miratim të kësaj kërkese, i dyshuari është në paraburgim prej 30 ditësh.
Për fund, Nikçi ka thënë se “Kordinimi mes Policisë dhe Gjykatave është në të gjitha nivelet”.
Ndër të tjera, ai ka thënë se ka pasur edhe raste të tjera ndaj të miturëve mirëpo këto raste në kordinim me Policinë e Kosovës, Prokuroria e Kosovës në bazë të dëshmive të mbledhura ka ndërmarrur masa konkrete.