“Ne mbështesim Serbinë në harmonizimin e mëtejshëm me Shtetet e Bashkuara dhe BE-në. Është e rëndësishme që Shtetet e Bashkuara të mbështesin Ukrainën në luftë, por gjithashtu t’i bëjnë të ditur Rusisë se ajo duhet të paguajë çmimin për atë që bën,” ka thënë Donfried.
I mbajtur me 26 prill, takimi me Vuçiq ka bindur Donfired se Serbia është e qartë për qëndrimin e saj.
“Vuçiq e ka shumë të qartë se ku e sheh të ardhmen e Serbisë, dhe kjo është BE-ja”, ka thënë ajo, gjersa ka shtuar se votimi i Serbisë për pezullimin e anëtarësimit të Rusisë në Këshillin e OKB-së për të Drejtat e Njeriut, ishte mjaft i rëndësishëm.
“Unë mendoj se Serbia do të duhet të marrë vendime të rëndësishme se si të pozicionohet,” kishte shtuar Donfried.
Më 28 prill, Kryeministrja e Serbisë, Ana Brnabiq, ka thënë se zyrtarët e Shteteve të Bashkuara të Amerikës (SHBA), të cilët së fundi kanë vizituar Beogradin, nuk i kanë vendos asnjë ultimatum Serbisë për vendosjen e sanksioneve ndaj Rusisë.
Deri tani, Serbia ka votuar kundër Rusisë tre herë në Kombet e Bashkuara.