Komisioni për Mbikëqyrjen e Agjencisë së Kosovës për Inteligjencë gjatë ditës së hënë do të mbajë mbledhjen e radhës, në të cilën do të raportojë drejtori i Agjencisë së Kosovës për Inteligjencë, Petrit Ajeti.
Raportimi i tij do të fillojë nga ora 10:00, në ndërtesën e Kuvendit dhe fokus pritet të jetë situata e sigurisë në veri të vendit.
Në mbledhjen e këtij komisioni është paraparë edhe miratimi i procesverbalit të mbledhjes së komisionit, të mbajtur më 20.09.2023, si dhe të ndryshme.
Drejtori i AKI-së së fundmi është paraparë të jetë shumë aktiv, ku përveç takimeve me drejtues të institucioneve, ka marrë pjesë edhe në takimin e presidentes Vjosa Osmani me partitë opozitare, ku edhe ka dhënë detaje për zhvillimet në veri të vendit.