Drejtori i Policisë: Nuk më ka pëlqyer mënyra se si janë arrestuar 50-të policët

Drejtori i Policisë së Kosovës, Samedin Mehmeti,  në raportimin e Komisionit për Siguri, ka thënë se nuk i ka pëlqyer mënyra se si janë arrestuar  pesëdhjetë zyrtarët policor. Ai ka theksuar se, është dashur të ruhet privatësia e tyre, dhe se sipas tij në këtë pjesë është dashur të ketë kujdes.

Në lidhje me këtë çështe, deputeti i Aleancës për Ardhmërinë e Kosovës (AAK), Bekë Berisha, i ka drejtuar pyetje Drejtorit të Policisë, se pse nuk janë hetuar secili zyrtarë policorë veç e veç.

Arrestimin e tyre Berisha e ka quajtur skandaloz, duke thënë se në mesin e tyre ka pasur edhe zyrtarë të pafajshëm.

“Ndër ta nuk janë të gjithë të korruptuar, sistemi jonë i ka trajtu të gjithë bashkë pa dallime. Kam dëshirë ta di, kush e ka nisur këtë operacion, a ka pas argumente, si arrestohen 50 policë? Sistemi jonë i ka trajtuar të gjithë njëjtë. Pse të trajtohen njëjtë? Pse të mos bëhen hetimet veças?”, ka pyetur Berisha.

Mehmeti është përgjigjur se, për këtë cështje nuk është kompetent për të folur. Sipas tij, të gjitha veprimet janë bërë prej Inspektoratit të Policisë së Kosovës (IPK).

“Policia nuk bën hetime për policë, nuk ka të drerjtë të përzihet. Këto janë bërë prej Ipk-së. Për çka janë arrestu e din prokuori jo ne, nuk e kanë obligim të na tregojnë neve. Unë di diçka, se jam pak i informuar, por, nuk mundem të flas, se a e kanë zënë dikë duke kaluar drogë, apo para, unë nuk mund të ju them. Ne mundemi të ju garantojmë se të gjitha informatat ia kemi dorëzuar Ipk-së, pjesën tjetër e ka kryer Ipk-ja me prokuorinë”.

Të arrestuarit dyshohen se kishin marrë pjesë në qindra aktivitete të marrjes së ryshfetit në pikat kufitare të Qafë Prushit dhe Qafë Morinës, që lidhin Kosovën dhe Shqipërinë.

Të arrestuarit janë 48 policë dhe 2 zyrtarë doganorë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika